Circas cun sa genti de bidda
Eus inghitzau una circa cun is chi funt benius a s'ufìtziu de candu est abertu e no dd'eus bòfia serrai poita pentzaus chi siant ancora medas is cosas chi si podint aciungi.
Sa circa est a pitzus de is dìcius chi si narant in Barùmini, is prus de is bortas, o chi si connoscint ma funt acanta de si perdi po mori de chini no si ddus at ancora imparaus.
Po custa arrexoni pedeus s'agiudu de is baruminesus chi ndi connoscint àterus e si bolint nai calli funt...
Podeis scriri o benni a s'ufìtziu po si ddus nai.
NARAT SU DìCIU...
Po pagai e po morri nc’at sempri tempus!
Chini donat pràngiu aspetat cena!
Mesi de idas tra bagantzas e diis fridas nci passat!
Chini setzit cuaddu allenu ndi callat candu no bolit!
torra a coa-bai a innantis
